Монгол төрийнхөө их баяр наадмыг угтуулан хөдөлмөр, зүтгэлээ үнэлүүллээ.

• 2024-07-15, 11:42
|
• 155

Монгол төрийнхөө их баяр наадмыг угтуулан хөдөлмөр,

 зүтгэлээ үнэлүүллээ.

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмыг тохиолдуулан шүүх, шүүхийн захиргааны байгууллагад олон жил үр бүтээлтэй ажилласан шүүгч, албан хаагчдыг Монгол Улсын Ерөнхийлөгчийн зарлигаар Төрийн дээд одон медаль, Шүүхийн Ерөнхий зөвлөлийн даргын тушаалаар салбарын шагналаар шагнаж урамшууллаа. Шагнал гардуулах ажиллагааг 2024 оны 07 дугаар сарын 10-ны өдөр Шүүхийн ерөнхий зөвлөлийн байранд ёслол төгөлдөр зохион байгуулж, Шүүхийн ерөнхий зөвлөлийн дарга Л.Энхбилэг, гишүүн Р.Онончимэг, Гүйцэтгэх нарийн бичгийн дарга  Б.Эрдэнэтулга нар гардууллаа.

Монгол Улсын Ерөнхийлөгчийн зарлигаар Хөдөлмөрийн Гавьяаны улаан тугийн одонгоор Нийслэлийн Иргэний хэргийн давж заалдах шатны шүүхийн шүүгч асан Б.Нармандах, Шүүхийн ерөнхий зөвлөлийн даргын тушаалаар Шүүхийн ерөнхий зөвлөлийн “Хүндэт тэмдэг”-ээр Нийслэлийн давж заалдах шатны шүүхийн Тамгын газрын Хэргийн хөдөлгөөний удирдлагын 1 дүгээр хэлтсийн шүүгчийн туслах Алтанхуягийн Даваасүрэн, 

Шүүхийн ерөнхий зөвлөлийн “Жуух бичиг”-ээр Нийслэлийн давж заалдах шатны шүүхийн Тамгын газрын Хэргийн хөдөлгөөний удирдлагын 1 дүгээр хэлтсийн шүүгчийн туслах Ганбаатарын Шинэцэцэг, Тэгшсайханы Отгонтуяа,   Сүх-Очирын Түмэн-Өлзий, Энхболдын Энхтуяа, мэдээлэл лавлагааны мэргэжилтэн Батцэнгэлийн Билэгжаргал, Нийслэлийн давж заалдах шатны шүүхийн Тамгын газрын Хэргийн хөдөлгөөний удирдлагын   2 дугаар хэлтсийн шүүгчийн туслах Нанзадын Намсрайжав, Баярсайханы Мөнхцэцэг,  Гагаржавын Алтанзул нарыг тус тус шагнаж урамшуулсан байна.

Эрхэлсэн ажил, салбартаа олон жил үр бүтээлтэй ажиллаж, Монгол төрийнхөө их баяр наадмыг угтуулан хөдөлмөр зүтгэлээ үнэлүүлсэн шүүгч, шүүхийн захиргааны албан хаагчдадаа халуун баяр хүргэж, эрүүл энх, аз жаргал, амжилт бүтээлийн дээдийг хүсэн ерөөе. 

Нийслэлийн давж заалдах шатны шүүхийн Тамгын газар