Тусгайлсан журмаар хэрэг хянан шийдвэрлэх зохицуулалт хэрэгжиж эхэллээ
2025-09-18 | 157Монгол Улсын Их Хурлаас Иргэний хэрэг шүүхэд хянан шийдвэрлэх тухай хуульд шинээр “Тусгайлсан журмаар хянан шийдвэрлэх ажиллагаа”-ны талаар зохицуулалтыг нэмж батласан нь 2024 оны 10 дугаар сарын 01-ний өдрөөс үйлчилж эхэллээ.
Хэргийн оролцогч нь тусгайлсан журмаар хэргийг хянан шийдвэрлэсэн анхан шатны шүүхийн шийдвэрийг эс зөвшөөрвөл гардуулснаас хойш 7 хоногийн дотор давж заалдах шатны шүүхэд гомдол гаргана.
Хэрэг хянан шийдвэрлэх ажиллагааны журмыг ноцтой зөрчсөнөөс бусад тохиолдолд давж заалдах шатны шүүх хэргийг эцэслэн шийдвэрлэнэ.
Монгол Улсын Дээд шүүхийн нийт шүүгчийн хуралдаанаар батласан Тусгайлсан журмаар хэрэг хянан шийдвэрлэх ажиллагааны нэхэмжлэл, хариу тайлбарын загвар, оролцогчийн эрх үүргийн тайлбарыг PDF файл хэлбэрээр татаж авах боломжтойгоор байршуулсан ба ЭНД дарж танилцана уу.