ИРГЭНИЙ ЭРХ ЗҮЙН ШҮҮГЧ-СУРГАГЧ БАГШ НАР ХБНГУ-ЫН ШҮҮХЭД АЙЛЧИЛЛАА

• 2023-12-13, 11:37
|
• 224

Монгол Улсын Дээд шүүхийн Иргэний хэргийн танхимын тэргүүн Г.Алтанчимэг нарын 10 шүүгчид 2023 оны 11 дүгээр сарын 26-ны өдрөөс 2023 оны 12 дугаар сарын 02-ны өдрүүдэд Улсын Дээд шүүх, Германы Олон Улсын Хамтын Ажиллагааны Нийгэмлэгийн хамтын ажиллагаа болох “Шүүх эрх мэдлийн байгууллагуудын эрх зүйн орчныг боловсронгуй болгох, чадавхыг сайжруулах” төслийн хүрээнд ХБНГУ-д зохион байгуулагдсан иргэний эрх зүйн шүүгч-сургагч багш нарын сургалт, туршлага судлах, шүүхийн цахимжилттай танилцах айлчлалд амжилттай оролцлоо.   

Дээрх арга хэмжээнд Нийслэлийн Иргэний хэргийн давж заалдах шатны шүүхийн Ерөнхий шүүгч Г.Даваадорж, шүүгч Э.Золзаяа нар хамрагдсан бөгөөд ХБНГУ-ын Бавари мужийн Пассау хотын давж заалдах шатны шүүх дэх цахим хэрэг хянан шийдвэрлэх ажиллагаа болон хуульч бэлтгэх сургалт, Бавари мужийн Хууль зүйн яаманд хиймэл оюуныг хэрэг хянан шийдвэрлэх ажиллагаанд ашиглах, хуулийн салбарт цахимжуулалт нэвтрүүлж буй арга туршлага,  Нюрнберг хотод байрлах Мужийн дээд шүүхийн үйл ажиллагаатай танилцаж, 1945-1946 онд Нюрнбергийн шүүх хуралдааны процесс явагдсан танхим, түүхэн үйл явдлыг харуулсан музейг үзэж сонирхжээ.   

Монгол Улсын шүүхийн Иргэний эрх зүйн шүүгч-сургагч багш нар сургалт удирдан явуулах арга зүй, туршлага судалж,  ХБНГУ-ын шүүхийн цахим хэрэг хянан шийдвэрлэх ажиллагаатай танилцсан талаар Пассау хотын “Passau” сонинд мэдээлэл нийтлэгджээ.