НИЙСЛЭЛИЙН ЦЭВЭР УСНЫ ЭХ ҮҮСВЭРИЙГ ХАМГААЛАХ ҮЙЛ ХЭРЭГТ ОРОЛЦОН МОД ТАРИЛАА

• 2023-10-16, 09:36
|
• 544

Монгол Улсын Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногийн бямба гарагийг “Бүх нийтээр мод тарих үндэсний өдөр” болгон зарласан мөн Шүүхийн Ерөнхий зөвлөлийн 30 жилийн ой тохиож буйтай холбогдуулан 2023 оны 02 дугаар сарын 16-ны өдрийн “Ой тэмдэглэн өнгөрүүлэх тухай” тогтоолд заасан нийгэмд тустай ажлын хүрээнд мод тарих ажлыг 2023 оны 10 дугаар сарын 15-ны өдөр зохион байгууллаа.

Нийслэлийн Иргэний хэргийн давж заалдах шатны шүүх, Нийслэлийн Эрүүгийн хэргийн давж заалдах шатны шүүхийн шүүгч, ажилтнууд Байгаль дэлхийн экологийн тэнцвэрт байдлыг хадгалах, цөлжилтийг бууруулах үйл хэрэгт бодитой хөрөнгө оруулалт хийж бие оролцон Үндэсний цэцэрлэгт хүрээлэнгийн 12, 13 дугаар талбайд голт бор, бургас, монос  мод тарилаа.

Мод тарилтад “Үндэсний цэцэрлэгт хүрээлэн” ОНӨТҮГ-ын туршлагатай мэргэшсэн  инженер техникийн ажилчид заавар зөвлөгөө өгч бидний тарьсан мод бүхнийг чин сэтгэлээсээ хайрлаж ургуулах болно гэдгээ илэрхийлж батламж гардууллаа.

                      НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР