НИЙСЛЭЛИЙН НУТГИЙН ЗАХИРГААНЫ БАЙГУУЛЛАГУУДЫН СПОРТЫН НААДАМД НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН ДАРТСЫН БАГ ТАМИРЧИД ГУРАВДУГААР БАЙРТ ШАЛГАРЛАА

• 2022-11-14, 11:09
|
• 281

НИЙСЛЭЛИЙН НУТГИЙН ЗАХИРГААНЫ БАЙГУУЛЛАГУУДЫН СПОРТЫН НААДАМД НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН БАГ ТАМИРЧИД ГУРАВДУГААР БАЙРТ ШАЛГАРЛАА

Нийслэлийн Засаг даргын нэрэмжит Нийслэлийн нутгийн захиргааны байгууллагуудын спортын IV наадмыг спорт явган аялал, дартс, ажлын байрны дасгал, эрэгтэй, эмэгтэй сагсан бөмбөг, волейбол гэсэн таван төрлөөр гурван үе шаттай зохион байгууллаа. Наймдугаар сараас арваннэгдүгээр сарын хооронд үргэлжилсэн тус наадамд 100 байгууллагын 9560 албан хаагч хамрагдсан.

 Харин шигшээ тэмцээнд 40 байгууллагын 66 багийн 1200 албан хаагч өрсөлдөж, шилдгүүд тодорлоо.

Дартсын шигшээ тэмцээнд 15 багийн 60 тамирчин ур чадвараа сорьсноос:

-1-р байранд А.Батсайхан ахлагчтай Сонгинохайрхан дүүргийн ЗДТГ-ын баг;

-2-р байранд Б.Уянга ахлагчтай Баянзүрх дүүргийн Онцгой байдлын хэлтсийн баг;

-3-р байранд М.Пүрэвсүрэн ахлагчтай, Г.Есөн-Эрдэнэ, Ч.Цэнд, Ч.Халиун нарын бүрэлдэхүүнтэй Нийслэлийн Давж заалдах шатны шүүхийн баг шалгарсан байна.

Нийслэлийн нутгийн захиргааны байгууллагуудын спортын наадам нь ажилтан, албан хаагчдыг хөдөлгөөний хомсдолоос урьдчилан сэргийлэх, эрүүл мэндийг бэхжүүлэх, байгууллагуудын биеийн тамир, спортын хамтлагийн үйл ажиллагааг идэвхжүүлэх, дэмжих зорилготой. Спортын анхдугаар наадмыг 2018 онд, хоёрдугаар наадмыг 2019 онд, гуравдугаар наадмыг 2021 онд  тус тус зохион байгуулжээ.