ДАВЖ ЗААЛДАХ ГОМДОЛ ХАНГАГДСАН ТОХИОЛДОЛД УРЬДЧИЛАН ТӨЛСӨН УЛСЫН ТЭМДЭГТИЙН ХУРААМЖИЙГ БУЦААН ОЛГОНО

• 2022-08-29, 17:00
|
• 1 493

Туршилтаар

Давж заалдах гомдол хангагдсан тохиолдолд урьдчилан төлсөн улсын тэмдэгтийн хураамжийг буцаан олгоно

Шүүгчийн захирамжийн дугаар: 2022.05.02 210/ШЗ2022/00345 

Нэхэмжлэлийн шаардлагыг бүхэлд нь хэрэгсэхгүй болгосон анхан шатны шүүхийн шийдвэрийг нэхэмжлэгч Болд эс зөвшөөрч давж заалдах журмаар гомдол гаргаж, хуульд заасны дагуу улсын тэмдэгтийн хураамжид 280,030 төгрөгийг төлжээ.

Нийслэлийн Иргэний хэргийн давж заалдах шатны шүүхээс гомдлыг үндэслэлтэй гэж үзэж, анхан шатны шүүхийн шийдвэрт өөрчлөлт оруулж, нэхэмжлэгчийн гомдлыг хангасан байна.

Иргэний хэрэг шүүхэд хянан шийдвэрлэх тухай хуульд зааснаар давж заалдах гомдлыг шүүх хангаж шийдвэрлэсэн бол гомдол гаргагчийн төлсөн улсын тэмдэгтийн хураамжийг шүүгчийн захирамжаар буцаан олгодог журамтай.

 Иргэний хэргийн давж заалдах шатны шүүхээс нэхэмжлэгчийн гомдлыг хангасан тул нэхэмжлэгч Болдын улсын тэмдэгтийн хураамжид төлсөн 280,030 төгрөгийг шүүгчийн захирамжаар буцаан олгохоор магадлалдаа заасан. Иймд ИХШХШТХ-ийн 59.3 дахь хэсэгт зааснаар улсын тэмдэгтийн хураамжийг буцаан олгох талаар энэхүү шүүгчийн захирамжийг гаргав.

Үүний дагуу нэхэмжлэгч Болд нь холбогдох дүүргийн татварын хэлтсээс улсын тэмдэгтийн хураамжид төлсөн мөнгөө буцаан авах боломжтой. 

Хураангуй бэлтгэсэн: Нийслэлийн Иргэний хэргийн давж заалдах шатны 

                 шүүхийн Ерөнхий шүүгч Ж.Оюунтунгалаг