“ШП-Систем” хуулийн программ хангамжийн туршилтын загварын танилцуулга боллоо.

• 2022-04-7, 14:11
|
• 552

Өнөөдөр Нийслэлийн Иргэний хэргийн давж заалдах шатны шүүхийн шүүгч Ш.Оюунханд тус шүүхийн захиргааны ажилтнуудын хичээл зүтгэл, хамтын ажиллагааны үр дүнд бүтээгдсэн “ШП-Систем” хуулийн программ хангамжийн туршилтын загварын танилцуулга боллоо. 

Программ хангамж нь хууль хэрэглээний практик шаардлагаас урган гарсан, шүүгчдийн хөдөлмөрийг хөнгөвчлөх, автоматжуулах, хууль хэрэглээг сайжруулах зорилготой систем юм. 

Программ хангамж нь: 

1.Хуулийн инкорпораци. 

2. ШП систем

3. ИХ-Тус

4. ТАС/Түүвэр-анализ-субсумаци/

5. Тооцоолуур гэсэн хэсгүүдээс бүрдсэн. 

ШП-Систем нь Монгол улсад хүчин төгөлдөр үйлчилж буй хуулиудыг эрх зүйн салбар, орчноор нь ангилж, хэрэглээнд дөхөм болгосон, Улсын Дээд шүүхийн Иргэн, Эрүү, Захиргааны танхимын 7000 орчим тогтоолд ангилал хийсэн, цаашдаа давж заалдах шатны шүүхийн магадлалыг ангилах, хууль хэрэглээний нэгдмэл байдлыг хангахад шаардагдах цахим дэд бүтцийг бий болгосноороо   чухал программ хангамж юм.