Ерөнхий шүүгч, хууль зүйн ухааны доктор Ж.Оюунтунгалаг "Прокурор иргэний хэргийн процессын оролцогч болох асуудал" сэдвээр илтгэл тавилаа.

• 2021-12-7, 13:01
|
• 463

Нийслэлийн Прокурорын газрын түүхт 90 жилийн ойд зориулсан "Авилга-Урьдчилан сэргийлэх, шалгах, хянан шийдвэрлэх, хохирол нөхөн төлүүлэхэд анхаарах асуудал" сэдэвт онол практикийн бага хуралд  тус шүүхийн Ерөнхий шүүгч, хууль зүйн ухааны доктор  Ж.Оюунтунгалаг оролцож, "Прокурор иргэний хэргийн процессын оролцогч болох асуудал" сэдвээр илтгэл тавилаа. Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналт тавих 1 дүгээр хэлтсийн дарга Б.Мөнх-Од, Авлигатай тэмцэх газрын Мөрдөн шалгах хэлтсийн ахлах мөрдөгч, ахлах комиссар Ч.Жаргалбаатар,  Санхүү Эдийн Засгийн Их Сургуулийн ректорын зөвлөх, Монголын Банкны Холбооны хуулийн зөвлөх, З.Шагдарсүрэн нар авлигын гэмт хэрэгтэй холбоотой асуудлуудаар, Нийслэлийн иргэний хэргийн давж заалдах шатны шүүхийн ерөнхий шүүгч,  хууль зүйн ухааны доктор Ж.Оюунтунгалаг, Улсын Ерөнхий прокурорын газрын Төр, нийтийн ашиг сонирхлыг хамгаалах албаны хяналтын прокурор Ш.Одонсүрэн, “Онч шийдэл” ТББ-ын УЗ-ын дарга, хуульч  Ш.Алтангадас нар төр, нийтийн ашиг сонирхлыг хамгаалах асуудлуудаар тус тус илтгэл тавьсан юм.
Мөн Нийслэлийн прокурорын газрын Шүүхэд төрийг төлөөлөх хэлтсийн ахлах прокурор Х.Батчимэг “Авлигын гэмт хэргийн гаралт, шийдвэрлэлт шүүхээс хүлээлгэж буй эрүүгийн хариуцлага” судалгааны тайланг танилцуулж, санал дүгнэлтүүдийг хэлэлцсэн үр дүнтэй хурал боллоо.