“ОЛОН УЛСЫН ШҮҮХИЙН ЗАХИРГААНЫ ХОЛБООНЫ ОНЛАЙН СЕМИНАР БОЛЛОО”

• Өчигдөр, 13:48
|
• 41

Тус шүүхийн Ерөнхий шүүгч Г.Даваадорж нь 2024 оны 11 сард Сингапур Улсад зохион байгуулагдсан “Хиймэл оюун ухаан ба Шүүх эрх мэдэл” сэдэвт Олон Улсын Шүүхийн захиргааны ээлжит хуралд оролцсон билээ. 

Түүнчлэн 2025 оны 2 дугаар сарын 28-ны өдөр болсон “Хямарлын үеийн Шүүхийн байгууллагын стратеги, боловсон хүчний удирдлага” сэдэвт онлайн хэлэлцүүлэгт мөн идэвхитэй оролцжээ.

Олон Улсын шүүхийн захиргааны холбоо нь Европын холбооны “Право-Шударга ёс” төсөлтэй хамтран “Шүүхийн байгуулллагын үр нөлөөг үнэлэх орчин үеийн аргууд” /Modern Methods of Assessing the Effectiveness of the Judicial Body/ сэдэвт онлайн семинарыг 2025 оны 4 сарын 2-ны өдөр зохион байгуулсан бөгөөд семинарт Ерөнхий шүүгч Г.Даваадорж оролцов.

Энэ семинар нь хэрэг хянан шийдвэрлэх ажиллагааны хурд, чанарыг хэмжих, хэрэг хянан шийдвэрлэх ажиллагааг оновчтой болгох шилдэг туршлага, хэрэг хянан шийдвэрлэх ажиллагаанд дижитал хэрэгсэл, программ хангамжийн гүйцэтгэх үүрэг, шүүхийн үр ашгийг дээшлүүлэхэд өгөгдөлд суурилсан ойлголт зэрэг сэдвүүдийг хамарсан, шүүхийн үйл ажиллагааны гүйцэтгэлийг үнэлэх үр дүнтэй аргуудад чиглэжээ. Илтгэлүүдийн дараа цаашдын хэлэлцүүлэг, санал бодлоо солилцоход чиглэсэн асуулт, хариулт явагдав. 

        Илтгэгчээр: Олон Улсын Шүүхийн Захиргааны холбооны Ерөнхийлөгч Памела Харрис, 

Европын холбооны “Право-Шударга ёс” төслийн Олон Улсын шинжээч Вайда Петравичьене, 

АНУ-ын Виржиниа мужийн Хууль зүйн удирдлагын институтын Дэд Ерөнхийлөгч, Мичиганы Их сургуулийн Шүүхийн удирдлагын тэнхимийн дэд профессор Тим Диббл нар оролцов.