“ХАСХОМ-ийг хуулийн хугацаанд мэдүүлэх, анхаарах зарим асуудал” сэдвээр сургалт зохион байгуулав

• 2025-01-24, 10:25
|
• 51

Улсын Их Хурлын Хууль зүйн байнгын хорооны 2024 оны “Журам, маягт, жагсаалт шинэчлэн батлах тухай” 05 дугаар тогтоолоор ХАСХОМ-ийн маягт шинэчилсэнийг үндэслэн уг мэдүүлгийг нөхөх зааврыг Авлигатай тэмцэх газрын даргын 2024 оны А/96 дугаар тушаалаар баталж, 2025 оны 01 дүгээр сарын 01-ний өдрөөс мөрдөж эхэлсэнтэй холбогдуулан 2024 оны 01 дүгээр сарын 24-ний өдөр тус шүүхийн ЭБАТ Б.Оюу-Энх "Хувийн ашиг сонирхолын мэдүүлэг болон хөрөнгө орлогын мэдүүлгийг хуулийн хугацаанд мэдүүлэх, анхаарах зарим асуудал" сэдвийн хүрээнд нийт албан хаагчдад сургалт зохион байгууллаа.

Энэхүү сургалтын үеэр хувийн ашиг сонирхол болон хөрөнгө орлогын мэдүүлэг гаргах хуулийн хугацаа, 2024 оны ХАСХОМ-т өөрийн давхар эрхэлдэг ажлын мэдээлэл, мөн гэр бүлийн гишүүдийн болон өөрийн эзэмшдэг тоног төхөөрөмж, виртуал хөрөнгийг мэдүүлэхээс гадна өөрийн болон гэр бүлийн гишүүдийн олсон орлогыг татвар, шимтгэл төлсний дараах дүнгээр мэдүүлэх зэрэг шинэлэг зохицуулалт орсон талаар дэлгэрэнгүй танилцуулж, ХАСХОМ мэдүүлэх маягтын нэмэлт өөрчлөлт, мэдүүлэг, мэдэгдэл, тайлбарыг нөхөх заавар зөвлөгөөг өглөө.