Нийслэлийн Иргэний хэргийн давж заалдах шатны шүүхийн Тамгын газрын даргаар Э.Амарсанаа томилогдлоо.

• 2025-01-2, 17:43
|
• 77

Шүүх байгуулах тухай хууль /шинэчилсэн найруулга/ баталсантай холбогдуулан Шүүхийн ерөнхий зөвлөлийн 2024 оны 07 дугаар сарын 08-ны өдрийн 180 дугаар тогтоолын 2 дугаар хавсралтаар зарим шүүхийн Тамгын газрыг өөрчлөн байгуулсан. 

Шүүхийн ерөнхий зөвлөлийн тогтоолоор Нийслэлийн Иргэний хэргийн давж заалдах шатны шүүхийн Тамгын газрын даргаар Э.Амарсанааг томилж, тамга, тэмдэг гардуулах арга хэмжээг зохион байгууллаа.

Тус арга хэмжээнд Шүүхийн ерөнхий зөвлөлийн Гүйцэтгэх нарийн бичгийн дарга Б.Эрдэнэтулга, Шүүхийн захиргааны хүний нөөцийн газрын дарга Д.Мөнхбат, Ерөнхий шүүгч, шүүгч болон шүүхийн Тамгын газрын хамт олон оролцож шүүхийн Тамгын газрын даргын албан тушаалд Э.Амарсанааг томилох тухай тогтоолыг уншиж танилцуулан цаашдын ажил үйлст нь өндөр амжилт хүсэв.