Шүүхийн нэр, шийдвэрийн дугаар: Нийслэлийн Иргэний хэргийн давж заалдах шатны шүүхийн 2023 оны 11 дүгээр сарын 24-ний өдрийн 210/МА2023/02046 дугаар магадлал.
Тоймын дугаар, огноо: 2024.05.14 №5
Шийдвэрийн төлөв: Хүчин төгөлдөр болсон.
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Нэхэмжлэгч О ХХК нь хариуцагч М ХК-д холбогдуулан даатгалын нөхөн төлбөр 45,213,292 төгрөг гаргуулах тухай нэхэмжлэл гаргасан бөгөөд хариуцагчийн зүгээс татгалзахдаа нэхэмжлэгч байгууллага нь нийт 40 салбарт учрах эрсдэлийг даатгуулсан. Харин нэхэмжлэлд бичсэн салбар нь дээрх 40 салбарт багтаагүй гэж маргажээ.
Анхан шатны шүүх хариуцагч М ХК-иас 45,187,792 төгрөг гаргуулж нэхэмжлэгч О ХХК-д олгож, нэхэмжлэлээс 25,500 төгрөгт холбогдох хэсгийг хэрэгсэхгүй болгож шийдвэрлэснийг хариуцагч М ХК эс зөвшөөрч давж заалдах гомдол гаргасан.
Давж заалдах шатны шүүх хариуцагчийн гаргасан гомдлыг хангахгүй орхиж, анхан шатны шүүхийн шийдвэрийг хэвээр үлдээхдээ:
- Даатгалын үйл ажиллагааны чиглэлд мэргэшсэн байгууллага нь даатгалын үйлчилгээ авч буй байгууллагын аль аль салбарыг даатгаж байгаа болохоо гэрээнд анхнаасаа тодорхой тусгаагүй байгаа учир үүнээс үүсэх хариуцлагыг даатгалын байгууллага өөрөө хүлээх ёстой гэж дүгнэсэн.
Тодруулбал, аж ахуйн үйл ажиллагаа буюу бизнес эрхлэгч этгээд нь хэрэглэгчтэй гэрээ байгуулахдаа тухайн гэрээний заалт бүрийг хоёрдмол утгагүйгээр ойлгомжтой тусгах үүрэгтэй.
Шийдвэрийг бүтнээр харах цахим холбоос:
https://shuukh.mn/single_case/28824?daterange=2023-11-24%20-%202023-11-24&id=2&court_cat=1&bb=1
Тоймыг бэлтгэсэн: Нийслэлийн Иргэний хэргийн давж заалдах шатны шүүхийн шүүгч Т.Бадрах
Монгол Улс Улаанбаатар хот Чингэлтэй дүүрэг Баруун Сэлбийн гудамж шүүхийн байр
Утас: 11-320791, 70007277
Факс: 11-310678
И-мэйл: n_davakh_tg@shuukh.mn