2024 ОНЫ “МЕНТОРШИП” ХӨТӨЛБӨРИЙН МЕНТОРООР НИЙСЛЭЛИЙН ИРГЭНИЙ ХЭРГИЙН ДАВЖ ЗААЛДАХ ШАТНЫ ШҮҮХИЙН ЕРӨНХИЙ ШҮҮГЧ Г.ДАВААДОРЖ, ШҮҮГЧ Т.БАДРАХ НАР АЖИЛЛАЖ БАЙНА

• 2024-04-26, 09:31
|
• 280

Монголын Хуульчдын холбооноос залуу, шинэ хуульчдыг чадавхжуулах, хөгжүүлэх чиглэлээр зохион байгуулдаг “Менторшип” хөтөлбөр дөрөв дэх жилдээ хэрэгжиж эхэллээ.

“Менторшип” нь залуу хуульчдыг мэргэжлээрээ 10-аас дээш жил ажиллаж байгаа, ажил мэргэжлийн арвин туршлагатай, нийгэм болон салбартаа эерэгээр танигдсан хуульчдад дагалдуулах замаар өөртөө итгэлтэй, ёс зүйтэй хуульч бэлтгэх, өөрийгөө хөгжүүлэхэд нь туслах, чиглүүлэх зорилготой цогц хөтөлбөр юм.

Тус хөтөлбөрт хамрагдаж буй ментор болон менти нарын уулзалтыг 2024 оны дөрөвдүгээр сарын 24-ний өдөр зохион байгуулсан. Уулзалтаар хөтөлбөрийн талаар танилцуулж, цаашид хэрхэн зохион байгуулах, үүрэг оролцоо ямар байх зэрэг мэдээллийг өгч, оролцогчдын санал хүсэлтийг сонссон.

   Энэ удаагийн хөтөлбөрт нийт 10 ментор, 30 менти хамрагдах бөгөөд дөрвөн сарын хугацаанд хэрэгжих юм. Хөтөлбөрийн чиглүүлэгч буюу менторуудаар дараах хуульчид сонгогдоод байна.

-Нийслэлийн Иргэний хэргийн Давж заалдах шатны шүүхийн ерөнхий шүүгч Г.Даваадорж;

-Нийслэлийн Иргэний хэргийн Давж заалдах шатны шүүхийн шүүгч Т.Бадрах;

-УЕПГ-ын дэргэдэх Сургалт, судалгааны хүрээлэнгийн хяналтын прокурор Б.Өнөрмаа

-УЕПГ-ын дэргэдэх Сургалт, судалгааны хүрээлэнгийн Судалгааны албаны дарга, ахлах прокурор Б.Мөнхдорж;

-УЕПГ-ын Хэрэг бүртгэх, мөрдөн байцаах ажиллагаанд хяналт тавих хэлтсийн хяналтын прокурор Б.Бүжинлхам;

-Нийслэлийн өмчийн харилцааны газрын дарга В.Оюумаа;

-“Fom Partners” ХХН-ийн гүйцэтгэх захирал Б.Баттуул;

-“Андерсон энд Андерсон" ХХН-ийн партнер, олон улсын арбитрч Х.Наранбулаг;

-“Грата Интернэшнл Монголиа”-ийн гүйцэтгэх захирал, партнер В.Болормаа;

-Өмгөөллийн “Keystone Legal” хуулийн фирмийн захирал, өмгөөлөгч А.Мандуул нар юм.

                                                                                             Эх сурвалж: https://www.mglbar.mn/