ШҮҮГЧ Д.ЦОГТСАЙХАН “МОНГОЛ УЛСЫН ГАВЬЯАТ ХУУЛЬЧ ЦОЛ”-ООР ШАГНАГДЛАА

• 2024-02-8, 14:46
|
• 1 109

Нийслэлийн Иргэний хэргийн давж заалдах шатны шүүхийн шүүгч Дашнямын Цогтсайхан 2024 оны 2 дугаар сарын 8-ны өдөр Монгол Улсын төрийн шагнал “Монгол Улсын гавьяат хуульч” цолоор шагнагдлаа”.

Шүүгч Д.Цогтсайхан нь хуулийн байгууллагад 35 жил шүүгчээр 30 жил, Шүүхийн Ерөнхий зөвлөлийн гишүүнээр 2 удаа сонгогдон ажиллахдаа шүүхийн үйл ажиллагааг олон нийтэд нээлттэй байлгах, мэдээллээр хангах, хууль тогтоомжийг сурталчлах, шүүхийн багц хуулиудыг хэрэгжүүлэх чиглэлээр олон бүтээлч ажил хийж, шүүхийн шинэчлэлийг тууштай дэмжин идэвх, зүтгэлтэй ажилласан шүүгч юм.

 Монгол Улсын төрийн дээд шагналаар шагнагдсан шүүгч Д.Цогтсайханд Шүүхийн Ерөнхий зөвлөлийн хамт олны төлөөлөл болон, Нийслэлийн Иргэний хэргийн давж заалдах шатны шүүхийн хамт олон баяр хүргэж, хүндэтгэл үзүүлэв.

НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР